Магӏалбике дӏахьош я, къайлагӏа болх бераш гучабоаха рейдаш
Магӏалбик-Шахьара администраце экономически даькъа болхлоша йоал йоахарашца, даькъ тӏарча полицеца цхьана аргӏанара рейдаш ю. Уж дӏахьош хилара бахьан да, ӏаьдало енна бокъо йоацаш, доалахьара болх лелабу моттигаш гучаяхар, къахьегама хьал тоадар. Цу балха керттера маӏан да бахархой бокъонаш лораяр, иштта моттигерча бюджета гӏо дар .
«Мах беш йолча, хьалаш лоаттадеча моттигашка хьожаш терко тӏаяхийтар керттерча хаттарашта: къахьегама бартчӏоагӏо йий хьажара, Федеральни йоал тергйолаш уж моттигаш дӏаязъяра. Хӏара болх лоаттабеш волчунна, хьехама тӏехьа къамаьл деш, хьалхадаьккхар де дезар. Къахьегама закон леладе дезилга. Кхелахоша шо-шоай оагӏорахьара довзийтар болхлой хьаэцара гӏулакх мишта хила деза», - аьлар «Сердало» газетага Магӏалбик-Шахьара администраце.
«Къайлагӏа леладеча балха хьалаша таро луц наха къахьегама стаж хилийта, могаш воацаш хилча больнични дала, отпускаш, пенсионни баллаш хилийта; цул совгӏа, къайлагӏа болх беш хилча доккха гӏод такха дезаш хул, из гӏулакх судаца къоастаду.
Цу тайпара рейдаш, Магӏалбике каст-каста дӏахьу. Хьехам луш бола болх бизнес-юкъарлонца дӏахо а дӏахьоргба, шоай хӏама хьадерий болх къаьга хургболаш.
