МагӀалбике дийцар, шоай шахьара куц-сибат тоалуш хиларах
МагӀалбике дика кхоачашъеш я «Шахьара дика хьалаш хьакхоллар» яха федеральни проект, «Фусам, шахьара хьалаш» яхача къаман программа чуйоагӀаш я из. Из иштта хилийтара, 2021 шера шахьара Ӏаьдало кхайкарал дир шоашкара масал гойта безам хиларах, проекта чубоагӀаш ворхӀ урам тоабир, цун бахархой вахара хьалаш а цунца тоадир. Уж дӀаболабелар Трудовая оалача урамгара, из я МагӀалбика малхбузен даькъ тӀа.
«Деррига чулоацаш дӀахьоча балха чудоагӀаш, хьалхарча аргӀагӀа гӀаш лелача наха лаьрхӀа никъ Ӏобиллар, сердал а чуйиллар. Йоачан йолча хана хьаӀовш дола хий дӀадахийтарайола моттиг а тоайир. Ремонт йистейоалаш, дерригача урамашка асфальтобетона оаса биллар наькъ тӀа», - аьнна, белгалдаьккхар шахьара бахархошта МагӀалбика администраце зарбан болх лелабераша.
Бахархоша, дика хеташ, тӀаийцад уж балхаш дӀадахьар, цул совгӀа, царна лоархӀамедар да шахьара бахархой вахара хьалаш тоалуш хилар. «Шахьара дика хьалаш хьакхоллар» яха программа хилар бахьан долаш, МагӀалбика бахархой таро хилар хоза тоадаьча урамашка баха, кхераме доацача гӀашлой наькъаш тӀа лела, дикача транспортаца дӀа-юха аха.
