МагӀалбик шахьара Чербажанаькъан Б. цӀерагӀча тӀема, къахьегама сийлен музее лаьрххӀа йола кхетаче хилар, 1942 шера саькура бетта, мехкдаьттахошта енна Ленина орден массаза лораяра шахьара музее дӀалуш яр, яхаш, дийцар «Сердало» газетага мэре зарбан болх лелабераша.

Цу совгӀатаца, Ленина орден луш хилара тешал деш дола каьхат а дар; «Малгобекнефть» яхача мехкдаьтта доаккхача урхаллен Амар а дар 1975 шерарча бекарга бетта 20-гӀча дийнахьара, СССРа Лакхехьарча Совета Президиума Амар дар 6.02.1942 шерара.

Цига дакъа лоацаш хилар «Ингушнефть» АО Ӏарчакханаькъан А., МагӀалбик-Шахьара кулгалхочун гӀонча ГӀантамаранаькъан Е., тохкама бечар болама кулгалхо Зейтанаькъан Б., иштта Чербажанаькъан Б. А. цӀерагӀча музея кулгалхочун декхараш кхоачашдеш вар.

Гулбеннараша белгалдир, цу кхетачен лерхӀам боккха хилар.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде