Магӏалбике дӏайолаелар боксах йола республикан яхь
15.07.2026 15:43
Магӏалбике дӏайолаелар боксах йола республикан яхь. Тӏумхой ӏийсай цӏерагӏча спортивни комплексе дӏахьош йола яхь хетаяь я Магӏалбика вахархочун Исмейланаькъан Ӏаьланна карагӏдаьнначоа, из ва WBC Eurasӏa яха чемпиона тӏехкар леладеш.
«Боксерий ринга тӏа араваргва 75 дикагӏа вола спортсмен, уж кийча ба шоай коталон лоӏам гойта. Майдилг яккхара къовсаме баргба 10 дозалах бола боксёраш, эггара лохагӏа дола дозал 40 кг хургда, лакхагӏдар - 70 кг кхаччалца.
Яхьан хьалхарча дено хьахайтар, дог лазаш цунга хьажа баьхкарашта дукха дика моттигаш гургйолга», - аьлар «Сердало» газетага Магӏалбик-Шахьара администраце.
Яхь дика дӏайолаелар. Шоайла къовсабеннараш а йоккха говзал гойташ бар, цига безаме хьажар а хилар.
