МагӀалбике дилла доккха лоа дӀадаьккхар
МагӀалбика урамашка доккха дилла лоа хилар бахьан долаш, лаьрххӀа йола техника араяккха езаш хилар, иштта балха арабаьлар «Благоустройство» яхача МКУ болхлой а. Лоа дӀадоаккхаш, никъ мукъабоаккхаш йола машенаш, трактораш яр.
«Керттера декхар дар шахьара транспорт, юха ца соцаш, болх беш хилар; иштта гӀашлошта лела моттиг мукъаяккхар. Урамаш цӀендаь а ца Ӏеш, наькъа такилгаш а цӀендир, цул совгӀа, нах транспортага хьежаш латта кхоаленаш а цӀенйир, дукха лоа дилла хьалйизачара мукъайоахаш», - аьлар «Сердало» газетага МагӀалбика администраце.
Цу чоалхане эттача хьале, моттигера бахархой, машинашца лелараш тӀахьийхар шортагӀа лелара, наькъ тӀа зулам даргдоацаш лорабалара. Иштта царна хьалхадаьккхар, коммунальникаша беш бола болх кхетабеш хила безилга, Ӏодилла доккха лоа дӀадоаккхаш, урамаш цӀендеш уж лелаш хилар лоархӀаме долга хьалхадаьккхар.
Наькъаш цӀендеш йола техника латтача моттиге шоай машинашца новкъарло цаяр дийхар царгара.
