Магӏалбике керттерча лора гӏулакх хьадийллар, бокъонаш телхаярах
28.11.2025 15:19
Магӏалбике тохкама комитето уголовни гӏулакх хьадийллар, Магӏалбика кхален керттерча дарбанчен лора-кулгалхочоа духьала, цо ший балха тӏа кхоачамбоацараш нийсдалийтар бахьан долаш, яхаш, дийцар «Сердало» газетага цу боахаме.
Тохкама болх дӏабихьараша яхачох, 2023 шера тов бетта, цо бокъо йоацаш, бизнес лелаеча сагаца шиъ гӏулакх чӏоагӏдир, доазол арахьа лорий говзал лакхъе ваха дагахьа. Мах дӏабелар лорий страховане гулдаьча ахчан чотах, хӏаьта из российски законах доагӏаш дац.
«Дӏабихьа болх бюджета 660 эзар сомал совгӏа зе деш ба», - аьлар хоамо.
Хӏанз тохкаш да из гӏулакх, иштта дӏахьош ба ахча юхадалара болх а. Гӏулакх хьадийллар Гӏалгӏайчен ФСБ, прокуратуро хьаяйтача материалах.
