Магӏалбике цхьана вашагӏболл, Даьхен бухошта новкъостал ду болх
Магӏалбика шахьара кулгалхочо, «Даьхен лорабой» ганза викалашца цхьана, вӏашагӏкхетар дахьош дийцар лаьррхӏача тӏема операце доакъашхошта, цар дезалашта новкъостал дарах. Шахьара администраце кулгалхочо Боканаькъан Мухьмада, цун гӏончас Мургӏастанаькъан Микаила, «Даьхен лорабой» ганза Гӏалгӏайчен филиала вахара оагӏонца бувзабенна болх лелабеча Коазой Хьамида белгалдир новкъостал лоаттадара бола болх дикагӏа тоабе безилга.
«Къаьстта йола терко тӏаяхийтар къовсаме латта хаттараш кхоачашдара, вахара паспорташ дахара, доагӏаш дола ахчаш хьаэцара. Иштта дийцар Совтанаькъан Адама Марета даь кхайкарал - из я бухочун Гӏайтакханаькъан Рустама нана. Цун хаттар дар, социальни паспорт даккхарца дувзаденна. Шахьара кулгалхоша из хаттар кхоачашдар тӏадиллар говзанчашта, цу дезалашта новкъостал дара хьал тахка аьнна», - яхаш, дийцар «Сердало» газетага «Даьхен лорабой ганзе.
Тхоца къамаьл даьчо ма аллара, лаьрххӏача операце массайолча оагорахьара новкъостал лоаттадар шоайла бувзам лелабеча боахамашта хьалхашка латта керттера хаттар да.
Цу бувзама чудоагӏаш, бухошта эшар ӏалашдара йоккха терко лоаттаю тахан, региона масса долча боахамаша.
