МагӀалбикерча полице ха тӀа латтача гӀулакха къаьстта йолча батальона болхлоша, ОГИБДД инспекторца цхьана ГӀалгӀайчен шин вахархочунгара мефедрон яха молха яьккхар.

Бокъонаш лораераша соцайир «Форд Фокус» яха автомобиль, из лоаллаш ваьгӀар вар СоагӀапчара 33 шу даьнна вахархо. Цо, цунца хиннача 26 шу даьннача зӀамигача сага а корта бохабу малар менна бий хьажа лорашка чакхбала тиганзар, цо шекбаьхар полице болхлой.

Машина чухьежача полицейскешта корайир хьалхашкарча гӀандашта кӀалха улла 0,75 грамм мефедрон. Водитела административни протокол оттадир, цо духьале ярах, из иштта наркотикаш лелаярах бехктокхаме эзав.

Уж шаккха а саг, лаьца, чувеллар, хӀаьта водитела даь зулам бехк бе йиш йолаш да РФ Уголовни кодекса 1-ча даькъа 228 статьяйх.

Бокъонаш лораераш из гӀулакх тохкаш ба.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде