МагӀалбике нах тIалатта доазош тоаду
03.10.2023 11:10
Ер кӀира чакхдалале, Партизански урамагIа дӀадоладаь балхаш йистедаха лерхӀ, уж дӀахьош да «Вахар, шахьара хьалаш» яхача къаман программа кхоачашъярца дувзаденна.
«Карарча хана Партизански урамагIа наькъа йистош чӀоагӀъеш латт. ХьалхагӀа укхаза урам тIара сердал тоаяьяр», - аьлар «Сердало» газетага шахьара администраце зарбан болх лелабераша.
МагӀалбика кхыча урамагIа а цу тайпара болх дӀабахьа лерхӀ карарча шера. Гагарин Юре цӀерагӀча урамагIа а иштта болх бергба. Шахьара Ӏаьдало яхачох, нах дукхагӀа лела моттигаш тоаяра балхаш 85 % кхоачашдаьд цига.
