МагӀалбике НурадиловгӀар Ханпаша урам тоабир
26.11.2023 22:27
МагӀалбике, керттера урам тоабеш, деш хинна балхаш йистедаьхар. Цох хоам бир «Сердало» газетага моттигерча администраце. НурадиловгӀар урам тоабара балхаш дӀадихьар, моттигерча бюджета чотах.
«Тоадара балхаш дӀадоладаьдар, карарча шера ардара бетта. Цу урам тӀа бахача наьха а машенашца леларий а хьалаш тоадара асфальт биллаб, керда наькъа такилгаш Ӏодаьхкад, урамашкара сердал кердаяьккхай, гаьнаш дӀатийдай, цул совгӀа, 300 метр йӀаьха хин турбаш хийцай», - йоах лаьрххӀача хоамо.
Урамах цӀи тиллай Советски Союза Турпалхочун НурадиловгӀар Ханпашай сийна, МагӀалбике эггара дукхагӀа нах лела урам ба из, дукха ха яр из тоабе безаш хинна. ХьалхагӀа цу даькъ тӀа цхьацца балхаш дӀадихьа хиннадале а, уж тоъаш хиланзар»,-аьлар Кхоартой Илеза.
