МагӀалбика кхалера наькъаш кердача дешара шерга кийчде доладаьд
МагӀалбика кхален администраце кхетаче дӀайихьар наькъашка лелара кхерамзлен комиссе, кхален кулгалхочо Къоастой Ӏаддал-Хьамида кулгал а деш. Цига дийцар наькъаш дехкаш, лостам бара дешаш, къаьстта ишколашта юхе; иштта наькъ тӀа авареш еш хилар лӀаьгӀдарах, яхаш, хоам бу «Сердало» газетага кхален мэре.
Кхален кулгалхочо тӀадиллар, эшача гӀирсашца кийчо яр, керда наькъаш дахкар, кхыбола кхерамзлен Ӏалашо яра болх дӀабахьар. Республикан доккхийча наькъашкара болх шийна тӀаийцар ГӀалгӀайчен машений наькъа Министерствос.
Иштта техкар вайцига ДТП еш хилара хьал, цунца дувзаденна авареш еш хилара мах, из хьал аттача даккхара йола кхетачений план оттаергья. ЛоархӀаме бувзам цхьана лелабеш хилар чӀоагӀа эшаш да ГАИ болхлошта, наькъий болхлошта.
Дола-Коарча администраце кулгалхочо Узиев Асхьаба дийцар наькъаш тоадарах, уж шаьрагӀа хилар дезаш бахархой дукха латкъаш хиларах.
Доал деча даькъ тӀарча кулгалхоша шоашта дича бакъахьа хетар дийцар, наькъа кхерамзлен Ӏалашо хургйолаш.
Кхетаче чакхъяьлар 2025 шера йисача хана де дезар белгалдоаккхаш.
