Магӏалбика кхален Гӏайрбика-Юрт - Соагӏапче оала никъ тоабеш латт
Гӏалгӏайчен Магӏалбика кхале Гӏайрбика-Юрт - Соагӏапчен ГОК автомобильни никъ тоабеш латт. Из болх дӏахьош ба «Вахара хьалаш» яхача къаман проекта чудоагӏаш. Керттера цун маӏан да, никъ кердабаьккха а ца ӏеш, юрташта юкъера никъ кхераме боацаш бар, бахархошта дика хьалаш хьакхоллар. Тоадара балхаш дӏахьош говзанчаша тӏера беха никъ дӏабаьккха, наькъа кӏийле чӏоагӏйир, иштта керда оаса бохийтаргба наькъ тӏа.
Из никъ Магӏалбика кхален вахаре лоархӏам болаш ба. Цо ӏалашо ю Гӏайрбика-Юрта лелача транспорта, иштта регионаца бувзам лелабу. Из дика хиларах тийша ба ишкола автобусий болх, сихача гӏулакхий хьал лоаттадар, иштта юртбоахамах леладерий болх дӏабахьар. Проектах цу моттиге 168 наькъа гӏарма оттаергья, гонахьа 2401 метр йӏаьха карт ергья, 401 метр дӏаьха наькъа оасаш доахкаргда, 24 хоам беш бола бӏоагӏилг оттабергба», - аьлар «Сердало» газетага машений наькъа, транспорта Министерстве.
Цӏенхашттарча ремонта хьалхарча даькъа чудоагӏаш да 2 километр бӏаьха никъ тоабар. Тӏехьагӏа болхлой тоаба дӏахо шоай аргӏанара болх дӏахьош хургья.
