МагӀалбика кхале СВО доакъашхошца кхетаче дӀайихьар
09.04.2025 17:04
МагӀалбика кхале Къоастой Ӏаддал-Хьамида кхетаче хилар СВО доакъашхошца, Инаркъерча СВО бейнача доакъашхой гаргарча нахаца, цига дийцар лоархӀаме дешаш. Из хоам «Сердало» газетага бир шахьара администраце.
Керттера теркам тӀабахийтар электричество лоаттаяра долча дешашта, цу юкъе трансформатор хувцара, «Ингушэнерго» МРСК ПАО балансе латта.
Иштта дийцар цхьан урамах хин турба цахиларах, асфальт бола никъ билларах. Кхален кулгалхочо Къоастой Ӏ-Хь. белгалдир, карарча хана хьахьожадаь хинна ахча деррига дӀадаха хилар, бакъда тӀехьара тӀа ахчанца новкъостал деш хуле, из хаттар гурахьа кхоачашдергда.
Мэра хьалхадаьккхар, йоазонца дола кхайкарал де а, иштта МРСК кулгалхошца вӀашагӀкхетар дӀадахьа а дезаш хилар.
