МагӀалбика кхале дийцар, чоалхане хьал эттача нах кӀалхарбахарах
03.10.2023 16:09
ГӀалгӀайчен МагӀалбика кхален чоалханерча хьалах йолча комиссен доакъашхоша, шоаш кхетаче дӀахьош, дийцар доал деча даькъ тӀа граждански оборона болх вӀашагӀболларах, иштта нах кӀалхарбахарах дола хьал мишта латт. Цул совгIа, дийцар, нагахьа санна эшаш хуле, еррига балха моттигаш юкъе йола хьалаш вӀашагӀдохка дезарах.
«ЦӀенон, эпидемиологе Центра керттерча лора Кхоартой Адама белгалдир лорий урхалле, нагахьа санна лазараш дӀа-юха даржаш хуле, кийча я, аьнна. Маскаш, лазар ца латийтара бола тӀабувхабу гӀирс-барзкъа, цӀенон хьалаш, ца хилча яргйоаца молхаш йолаш я, аьлар цо. МагӀалбика кхален Роспотребнадзора кулгалхочо Дзараханаькъан Адама ший аргӀагIа белгалдир, наха эцаш болча буача кхачан тӀехьа массахана тӀахьожам лоаттабеш хилар», - аьлар «Сердало» газетага МагӀалбика кхален администраце.
Белгалдаккха дезаш да, МагӀалбика Роспотребнадзора даькъ тӀарча отдела говзанчаша цахаддаш терко лоаттаю, хий цӀена дий хьожаш. Из наха инфекци оала лазар хургдоацаш лелабеш болх ба, аьлар, тхоца къамаьл деш, Дзараханаькъан Адама.
