Магӏалбика кхале дийцар гурахьа эскаре амал де кагирхой тӏахьеха болх дӏабахьарах
Магӏалбика кхален доал деча даькъ тӏарча администраце кулгалхо Коастой Ӏаддал-Хьамид керте а волаш, доал деча даькъ тӏарча кулгалхошца кхетаче дӏайихьар. Цига дувца оттадаь дош дар Магӏалбик-Шахьара, Магӏалбик кхален тӏема комиссариата, гурахьа эскаре кагирхой тӏахьехаш хилара болх дӏабахьар.
«Сердало» газетага, Магӏалбика кхален администраце зарбан болх лелабераша ма аллара, цига хьежар из гӏулакх малагӏча боарам тӏа латт, цунга карарча хана малагӏа кийчо яьй. Кхетачен доакъашхоша дийцар, тӏема комиссариата из коампани дӏаяхьа болх дика вӏашагӏболла безарах, иштта боахамашта юкъера хаттараш моттигерча тӏема комиссариатаца цхьана кхоачашде дезарах.
Къоастой Ӏаддал-Хьамида керттера дешаш белгалдир, иштта тӏадиллар моттигерча доал деча даькъ тӏарча администрацей кулгалхошта из болх кхы а дикагӏа вӏашагӏболлар. Цо белгалдир; тӏема амал дара кампани дика дӏаяхьар тӏема комиссариато, иштта моттигерча ӏаьдало шоай болх дика вӏашагӏболларах тийша да, аьнна.
Цу тайпара лоархӏаме моттигаш ювцаш хинна кхетаче чакхйоалаш, лаьрххӏа дола декхар тӏадиллар дийцар кхоачашдара бехктокхаме барашта. Царна хьалхашка оттадир хоадам бола декхар.
