Магӏалбика кхален Соагӏапчара вахара хьал тоадеш латт
Гӏалгӏайчен Магӏалбика Соагӏапчара вахара хьал тоадеш латт. Цига дика дӏахьош ба юкъарча моттигашкара болх. Доал деча даькъ тӏарча болхлоша массехк оагӏорахьа дӏахьу доазонаш тоадара болх; никъ тоабаргара дӏаболабенна урамашка санитарни лостам барга кхаччалца.
«Карарча хана тоадара балхаш дӏахьош да Мехкахбахара 70 шу, Медови, ӏоахарганаькъан, Джабагӏанаькъан яхача урамашка, бахархошта дика вахара хьалаш хьакхоллаш. Цул совгӏа, Гарданаькъан урамах наькъа такилг ӏодиллад 250 метр дӏаьха, цо аттача доаккх гӏашлой наькъа хьал. Цу балха чудоагӏаш 40 бус йоага лампа ӏоегӏай, из бахьан долаш урамашка сийрда я, бийсан кхераме а яц», - аьлар «Сердало» газетага Магӏалбика кхален администраце зарбан болх лелабераша.
Цу даькъ тӏа иштта лостам беш хиларо таро лу моттигерча наьха кхерамзлен ӏалашо е, бахархой вахар кхераме доацаш хилийта, иштта вахара-экономически оагӏорахьара юрт дегӏаахара новкъостал ду.
