ГӀалгӀай къаман
юкъара газет

Наха низ беш леларашта духьала, де дезарех дийцар МагӀалбике

Терроризмаца къовсам лоаттабеча комиссеца кхетаче йир МагӀалбике, шахьара да волча Къоастой Ӏаддал-Хьамида кулгал деш. ВӀашагӀкхетаре дакъа лоацаш бар юрташкарча администрацей кулгалхой, Ӏаьдала болхлой.

«Тахан вайна хьалхашка латта декхар да, кагирхошта юкъе терроризм яха зулам цадаржийтар. Цудухьа, кагирхой гуллуш йолча моттигашта, лакха тӀахьожам лоаттабе беза. Спортивни секцешка, цхьацца кружокашка нийсбала тарлу терроризма кагирхой тӀахьехаш бола тувлабеннараш. Из гӀулакх чӀоагӀа лораде деза»,  —  йоах тхогарча хоамо.

Иштта гулбеннараша хьоахадир кибертерроризм яхача, даржаш латтача зуламах. Сайташка чубувлаш, бакъдоаца хӀамаш, харцахьара хоамаш доаржадеш бола зуламхой ба уж. Ӏаьдала сайташка латтача поролашта, логинашта лакха тӀахьожам лоаттабе беза.

Боккхийчар тӀахьожам боацаш лела кагирхой, доал доацача цӀагӀара арабаьннараш эггара хьалхарча юхьанца лорабе беза цу гӀулакхах, яхаш, дийцар кхетаче.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде