Дешара, Ӏилман министерствос, хьехархошта алапи деннадац, яха хоам бакъбанзар
23.09.2023 22:03
ГӀалгӀайчен дешара, Ӏилман министерстве мехка дешара моттигашка алапеш дӀаденнац, яха хоам харцахьа ба аьлар. Из хьехархошта алапеш деннадац яха хоам вахара бувзама гӀирсашка гӀолла лелаш бар укх деношка. Республикан дешара, Ӏилман министерствос массайолча республикан дешара моттигашка шоай ханнахьа алапеш хьаэцаш хилар чӀоагӀдир.
«Карарча шера тов бетта 23-ча дийнахьа; ГӀалгӀайчен дешара, Ӏилман министерствос массаза санна, дешара ерригача урхаллений чоташ тӀа хьехархоша баьча балхах дола алапеш дӀадахьийтад. Цу даькъ тӀа, декхар доаллаш, вӀалла а моттиг яц», - аьлар «Сердало» газетага цигарча болхлоша.
