Юртбоахама министерстве дийцар, юрташ дегӀакхувларах
Республикан юртбоахама министерстве министра Гаьгенаькъан Мухьмада кулгал деш совещани хилар, из хетаяь яр ГӀалгӀайчен «Юртара доазонаш дегӀадоаладара» йола паччахьалкхен программа кхоачашъяра, аьлар цу боахама зарбан болх лелабераша.
Кхетаче дакъа лоацаш хилар юртара доазонаш дегӀадоаладара отдела болхлой, республикан доал деча даькъ тӀара кулгалхой. Гулбеннарашта хьалхашка лаьтта декхар дар «Юртара доазонаш дегӀадоаладара» программа чуйоагӀаш йола проекташ хьахаржар.
«Кхетаче гулбеннараша, цхьа уйла йолаш, лоархӀ; доал деча даькъ тӀа хьачуденна дехараш юха хоржаш хиларо, бюджетера ахча хьадайта таро хулийташ хилар, цунца цхьана кхоачашъю юртара доазонаш дегӀадоаладара программа, ЖКХ болх кердабаккхаргара дӀадоладенна, йоккхий йоккхий вахара гӀишлош, юрташка вахара фусамаш хьалъярга кхаччалца», - аьлар республикан боахаме.
