«Моттигерча министерствонна хьалхашка латтача керттерча декхарех цаӀ да, ГӀалгӀайчен юрташка спортивни гӀишлош хьалъяр. ДӀадахача шера, Сурхо тӀа спортивно-технологически гӀирс бола моттиг вӀашагӀъеллар, замагӀа йола спортивни майда хилийтар духьа (ГТО майда), спортивни гӀирсаш ийцадар Олимпийски тӀехье кхееча республикан ялх ишкола лаьрхӀа.

2023 шера, Шолжа-Шахьаре хьалъе йолайир, бассейн а чуболаш, физкультурно-унахцӀенон гӀишло, из хьайийллар массехк бутт хьалха. Иштта Буро кӀалха хьалъе йолаяьй ФОК. ДӀадахача шера баьча балхах дувцаш, министра декхараш кхоачашдеш волча Белхарой Руслана дийцар, «Спорт вахара боарам» яхача программанна чуйоагӀаш дӀайихьача кхетаченех. Республике 78 спорта хетаяь кхетаче хиннай, Ерригача Россе а вай мехка а доазонашка дӀайихьай уж. Вай спортсменаша 79 дошо, 67 дото, 124 борза майдилгаш яьхай», - йоах хоамо.

«ГӀалгӀайчен спортсменаш доаккхал де йиш йолаш ба, цар кхы а лакхагӀа толамаш доахаргхиларах шеко а яц», - аьлар Белхарой Руслана.