Вай республике хьалъеш латт 60 совгIа гIишло. Царна юкъе я ишколаш, берий бешамаш, дарбанчеш, культуран моттигаш. Керда наькъаш дохкаш, тишденнача цIеношта меттел керда цIенош дотташ, хьалъяь ца йоалаш гаьнаяьннача гIишлой балхага хьожаш, къахьег тахан мехка. Халонаш мел дукха яле а, воашта хьалхашкара декхараш вай дизза чакхдоахаргхиларах дог тийша ва со», — аьлар Фаттахов Тимура.

2023-ча шера, паччахьалкхен программашка, къаман проекташка гIолла хьалъе соцам баьраш 64 гIишло яр. Цу гIулакха къоастадаь ахча 8 млрд 353,8 млн сом дар. Ер шу йистедалалехь хьалъяь хила езарех я 55 гIишло, къаман проектах цу юкъе я 21 гIишло. ГIишлой балхах йолча министерствон кулгал деча Балахой Микаила доккха баркал аьлар къахьегамхошта, шоай декхараш дизза токхаш хиларах.

«Вайна гонахьа гуш мел дар, гIишлонхоша даь да. Шо да наха беркате цIенош хьалде дезараш, болх бе моттигаш ераш. Доккха баркал оал аз, шоай болх лоархIаш, безаш къахьегарашта. Иштта беркате къахьегаш дIадаха аьттув хилба шун!» — аьлар министра.

ДикагIа бола болхлой белгалбир цу дийнахьа грамоташца, совгIаташца.