УнахцӀенон министерствос яхачох, боккхийча нахаца къамаьл дар къоначарна пайдане да
Къоаной Ди долаш, ГӀалгӀайчен унахцӀенон министерстве хьалхадаьккхар, къоаношта мел эшаш да шоай дезалий дезалашца къамаьл дар. Боккхийча наха геттара эшаш да царцара бувзам лаьгӀлуш цахилар, царна эш цар новкъостал, цар деш дола гӀо.
«Къаьстта цӀенача фега лелар эшаш да, могашала новкъостал хулаш а да. Цо сатем барал совгӀа, физически могашала а новкъостал ду», - аьлар ГӀалгӀайчен лораша, вай къоаной дегIа маьженаш хьоаеш хилара тӀахьехаш, кӀеззига мара лела цамогаш барашта лаьрхӀа а хIамаш да цу юкъе.
Вай хӀаранена, цхьа ха яьнначул тӀехьагӀа, дика дагаухаш хул ше даь-даьца е даь-наьнаца яьккха хоза ха, цар деш хинна хьехар, цар къамаьлаш. Боккхийча нахаца къамаьл де йиш йола цхьаккха а ха дӀаяхийта мегаргьяц. Уж ба къаман дошо ганз, бӀаьшерен хьаькъал вайна телараш, вай даьй Ӏадаташ леладераш.
