Молочанске ГӀалгӀайчера новкъостал дахьийтар
06.09.2023 14:36
ГӀалгӀайчера новкъостал дахьийтар, Запорожски областа Молочанске. Дешара хьалхара ди долаш республикан викалаша Молочанске берий ловзоргаш, дешара эшаш бола гӀирс, тӀормигаш, дешара гойтамаш дихьар, яхаш, дийцар «Сердало» газетага ГӀалгӀай Республикан министрий кабинете.
«Берий йоакхо яр, тха шахьара новкъостал лоаттадерий хьалхара декхар лоархӀаш да. Материальни новкъостала чудоагӀаш мел дар чӀоагӀа эшаш да кердача российски доазон тӀа дешаш долча берашта», — йоах хоамо.
Даь новкъостал декъаргда юкъарча дешара № 2 йолча ишколани берий бешаи юкъе. Молочанска тӀема-граждански администраце кулгалхочо Богдани Еленас, ишкола кулгалхочо М. И. Романовас, берий беша кулгалхочо Е. Н. Бараникас дег чура баркал оал ГӀалгӀай Республикан хьакимашта, новкъостал дарах.
