Москверча юкъарча эскара училище хьаелларгья Боканаькъан Мустафай класс
ОагӀой бетта 9-ча дийнахьа, Москверча лакхарча юкъарча эскара училище лаьрххӀа кхетаче дӀахьоргья дешара класс хьаеллаш, из хетаяь хургья Россе Турпалхочоа Боканаькъан Мустафайна.
ГӏалгӀай Республикан Кулгалхочун, Паччахьалкхен зарбан болх лелабераша яхачох, Боканаькъан Мустафас 2007 шера яьккхар Москвера лакхара юкъарча эскара командни училище. Мехка кулгалхочо Келаматанаькъан Махьмуд-Ӏаьлас яхачох, из кхетаче дӀахьоргья эпсара сий деш, цо ший декхар тӀехдика кхоачашдарах, иштта эшача моттиге мехка гӀо де из кийча хиларах.
ЛаьрххӀа йола операци дӀайолаяьча дийнахьа денз; Мустафа, ше раьза волаш, дӀавахар тӀема мугӏарашка отта, цо кхетадора ший балха говзал Даьхенна хӀанз эшаш хилар. Мустафа санна болча нахацара дагалоаттам,- из уж лархӀар хинна Ӏац. Из вай цхьоагӀон кӀийле я, цо дӀайолл Даьхен дика къонгаш кхебара йола лард», - аьлар республикан кулгалхочо.
Белгалду, 2023 шера маьтсела бетта 15-ча дийнахьа, ший тӀема декхар кхоачашдеш, шийцара бӀухой кӀалхарбоахаш, Боканаькъан Мустафай валар нийсденна хилар. Цун денала лакха мах оттабеш, Российски Федераце Турпала цӀи елар.
Цул совгӀа, Боканаькъан Мустафай цӀи малхаяьккхар цун хьамсарча юртарча №30 йолча ишколо. Денал дола къаман воӏ Соагӏапчара вар.
