Наркоманена духьала кхетаченаш дIакхухь республике
В муниципалитетах Ингушетии обсуждают различные задачи и методы борьбы с наркоманией, которая в настоящее время несет огромную опасность для общества. Так, в городе Карабулаке прошло плановое заседание муниципальной антинаркотической комиссии, информировали газету «Сердало» в пресс-службе городской администрации.
«Шахьарерча мэре, шахьара кулгал деча Осканаькъан Мухьмад-Баширага хьалхале йолаш, дIайихьача кхетаче дакъа лоацаш хилар наркоманен духьала къовсам лоаттабеча комиссе болхлой, Парламента депутат вола Къоастой Ахьмад. Цу зулама духьала цо болх лелабу дукха ха я.
Наркотикашца бувзам лелаберашта дарба деш йола моттиг хьаеллаш, дикка къахьийгад цу сага», — йоах тхога кхаьчача хоамо.
Ишколашка цу зулама духьала дIакхахьа безача балхах дийцар хьехархоша Iалбаканаькъан Мадинаси Дудурганаькъан Розаси. Кхетачено соцам бир, кагирхошца из болх дIакхахьара цIихеза спортсменаш, бахархоша лоархIш бола нах юкъеоза беза, аьнна. ЦIагIарча наха, наркоманеца бувзам лелабой хьожаш, хан-ханнахьа дарбанчешка чакхбаха беза шоай дезал. МВД полице начальник волча Мержой Iалихана дийцар, Iаьдала болхлоша юкъедоаладе дезарех.
Илдарха-ГIалий тIарча МВД болхлоша, цу шахьар тIара наркотик яха дохьаж дохкаш йола 22 моттиг гучаяьккхай. Царна юкъера 19 моттиг, геттара доккха зулам доаржадерех лоархIаш я. Зуламхоша шоашта доагIа таIазар дIаэцаргда! Кхетачене гулбеннараша белгалдир, из болх массане цхьа барт болаш дIабахьа безилга.
