Района бахархошца дукха вIашагIкхетараш дIакхихьар, депутаташи дийша нахи юкъе кхувлаш. Кхетачешка нахага, ма дарра, дIадувцар шийи, наьхеи могашал лораяр, укх унзарча хана, мел лоархIаме да яхаш. Шоаш дIабихьача балхах йолча докладашка, администрацен кулгалхочун гIонча волча Мержой Исраьила, дарбанче керттера лор йолча Сампенаькъан Лиляс, роспотребнадзора болхлочо Дзараханаькъан Адама белгалдир, таханарча дийнахьа, цу вируса духьала эшаш мел долчун кхоачам болаш ба аьнна. Хьайилай, пхье, инфекционни госпиталь, ИВЛ аппараташ йолаш.

Кхетаче Кхузнаькъан Къамбулата теркалдир, района дарбан кхуврчашка болх бехктокхаме, лакхача боараме дIабихьа хилар. «ЦIаьхха лазар даьржа хала ха эттача хана, вай лораш салоIам боацаши, дии — бийсеи къоастацадеш болх беш хьабаьхкар. Дарбанченашка хьалха хинна хьал, хувцадезаш хилар этта хала сурт. Боккха низ бар дарбанче болхлошта тIалаьттар. Дог лазаш къахьегарца белгалболаш хьабоагIа вай лораш.

Таханарча дийнахьа, района ковидни кхуврч дикагIчарех лоархIаш ба», - аьлар цо. Кхузнаькъан Къамбулата теркалдир вакценацен гIулакх. Ма хулла, дукхагIа нах тIахьехаш хила аьлар, шоаи, улуврчареи могашал лораяра. Бахархой кхетадеш хила беза, тахан, этта хала хьал. Вай дерригаш а оарцагIдаларца мара, дикагIча оагIорахьа, тоалуш хургдац гонахьара хьал.