ГӀалгӀайчен музее ишколай дешархоша дӀачуделар къам мехкахдаккхара хетадаь шоай сурташ
24.02.2024 20:06
С. Орджоникидзе цӀерагӀча Мужечен музее, из я ГӀалгӀай паччахьалкхен Малсаганаькъан Тухана цӀерагӀча мохктохкама музея филиал, дӀахьош ба «Ӏаьржа ди» яха суртий-каьхатий гойтам, из хетабаьб, гӀалгӀайи нохчийи къамаш сталина мехкахдаьха 80 шу дузаш хилара. Цун хьалхара хьажархой хилар Мужечарча юкъарча дешара ишкола дешархой.
«Музея болхлоша берашта йовзийтар къаман балан оагӀонаш, малагӀча халонашка гӀолла уж чакхбаьннаб, доккхагӀча вай ноахала лайна Ӏазап. Из кхетаче дӀахьош, бераша гойтар гӀалгӀай Сибре бохьийташ хинна ханаш ювцаш дола сурташ», - аьлар «Сердало» газетага мохктохкама музея кулгалхочо Саганаькъан Мухьмада.
