Наркотик яхача дохьажо доаржадеча зуламах, дувцаргда дешархошта музее
11.03.2024 11:41
«Наркотикаш йоаца вахар» яхача темах къамаьл дергда дешархошка, суртанчий паччахьалкхен музее, Илдарха-ГIалий тIарча полице болхлоша. Кхетаче дакъа лоацаш хургба шахьара ишколашкара дешархой. «Кхувш латтарашка дувцаргда наркотик яхача дохьажо сага вахар толхадарах, цо наха юкъе доаржадеча доккхача зуламах.
Наркотикашта духьала кагирхоша тIом лоаттабергболаш, цох хьадоала во царна ма дарра довзаргдолаш, Iаьдала болхлоша лаьрххIа дIакхухьаш кхетаченаш я уж», - дийцар «Сердало» газетага музея зарбан болх лелабераша.
Наркотик яхача зуламах кхувш латтараш лорабара тIехьа дIакхахьа безаш, лоархIаме болх ба из. Тахан массайолча моттигашка дIадувцаш хила деза, цу даьржача воно мел чIоагIа кагирхой вахар кегаду.
