ГIалгIайчен мехктохкама музее «Вай ГIирма» яха гойтам хьабийллар
18.03.2024 15:39
Малсаганаькъан Тухана цIерагIча ГIалгIайчен мехктохкама музее, «Вай ГIирма» яха гойтам хьабийллар, ГIирма Республика ший хьамсарча мехках юха хьакхетара хетабаь. Гойтаме го йиш я ХХ бIаьшерашкара денз, вай деношка кхаччалца дола ГIирма Республикан истори.
«Гойтамга, хьажа веначоа гургда дIаяхача хана денз ГIирма яхача ах гIайрен вахаре хинна хувцамаш сурташка гIолла.
ДукхагIа цига го йиш я ИТАР-ТАСС сурташ», - аьлар «Сердало» газетага ГIалгIайчен мехктохкама музея кулгалхочо Саганаькъан Мухьмада.
Белгалду, 10 шу хьалха, 2014 шера тушола бетта 21-ча дийнахьа, Российски Федераце президента Путин Владимира, ГIирма яхача ах гIайрен бахархой дехара жоп луш, ГIирма, Севастополь Россена чуйоагIаш хиларах дола амар арадаьккха хилар.
