Мехктохкама музее СВО турпалхошта хетабаь гойтам хургба
23.11.2023 15:38
ГӀалгӀайчен паччахьалкхен мехктохкама Малсаганаькъан Т. Х. цӀерагӀча музее хьабелларгба «ГӀалгӀайче - Токмак» яха гойтам, из хетабаьб СВО доакъашхошта. Донбасс лораеш Россе дӀахьош йолча лаьрххӀача тӀема операце дакъа лоацаш болча бӀухой, цар дезалий цига мах боацаш баха йиш хургья.
«Ер шу чакхдаллалца хургболча кердача гойтаме го йиш хургья СВО бӀухой сурташ, цар доалахьара гӀирсаш, Россе кхерамзле лораеш латтача бӀухоех даь йоазош», - аьлар «Сердало» газетага республикан мехктохкама музея кулгалхочо Саганаькъан Мухьмада.
ЛаьрххӀа йола тӀема операци дӀахьоча тӀема мугӀарашка латтача ГӀалгӀайчен викалаша денал, майрал гойт, цунна тешал ду царна деннача паччахьалкхен лакхача совгӀаташа.
