ТӀемхошта-афганцашта лаьрхӀа хьокхам дӀахьоргба музее
Афганцашта, цар дезалашта лаьрхӀа болам дӀахьоргба Малсаганаькъан Тухана цӀерах йолча музее. Цига хьокха оттадергда Афганистане хиннача вай мехкахой сурташ, кхыйола хӀамаш. Иштта шоай цӀагӀара цига хиннача майрача бӀухоша лелаяь хӀамаш, царна тийнна майдилгаш хьачуяла йиш хургья наьха.
«Афганистанерча тӀема юкъе дакъа лоацаш хиннав 320 вай мехкахо. Цхьа моттиг хиннаяц, царех саг есаралла вига, е моастагӀашкахьа ваьнна. Вай къаман беррига къонгаш цӀабийрзабац цигара. 12 гӀалгӀачун вахар хаьдад цу гаьнарча, халача мехка.
ТӀема совгӀаташ луш белгалбаьча 66 бӀухочоа юкъе ва СССР турпал вола, гӀалгӀай республикан хьалхара президент Овшанаькъан Султана Руслан. Царех хӀара сага цӀераш дегашка, боча йолаш, йоахае еза вай», - дийцар тха «Сердало» газетага музея кулгалхо волча Саганаькъан Мухьмада.
