Гӏалгӏайчен Къаман библиотеке, «Кхааш ийдара духьала цхьана» яха гойтам хьабийллар
Янданаькъан Жамалда цӏерагӏча Гӏалгӏайчен Къаман библиотека бокъон хоамий центре кийчбир цига хьаухача наха «Кхааш ийдара духьала цхьана» яха тематически гойтам. Из хетабаь бар цу воча хӏаманца къовсам лоаттабара. Книжкай-каьхатий гойтаме кийчъяь материалаш тӏахьехаш яр бахархошта новкъостал дара, бокъонца дувзаденнар къоастадара, хӏана аьлча цхьаболча наха цун бокъоний боарам ховш хилац. Литература довзаро таро лу бокъоний культура чӏоагӏъе, граждански оагӏув лаца, иштта кхетаде, моллагӏа дола кхааш ийдеш дола хьал, цхьаккха тайпара юкъарлоно тӏаэца йиш йоацилга.
«Гойтамо дувц, кхааш ийдаро юкъарлон мел доккха зе ду - политически хьалагара дӏадоладенна, сага вахаре боккха цатоам нийсбаларга кхаччалца. «Дешархо, закон» яхача даькъ тӏа го йиш я «Тхо кхааш ца ийдеча машара тӏехьа» яха брошюра, из кийчдаьд бокъон хоамий Нахацара болх лелабеча центра болхлоша. Цига къаьгга го йиш я, кхааш ийдара духьаларча законах лаьца дола къамаьл», - аьлар «Сердало» газетага Гӏалгӏайчен Къаман библиотеке.
Цига гойта оттаяь материал дика накъаяргья лакхерча классашка дагӏача берашта, студенташта. Укхаза гулдаь каьхаташ, литература накъадаргда кхааш ийдара духьале еча, иштта унахцӏена бахархой юкъарло хьакхоллара.
