Къаман библиотеке Базорканаькъан Элинай книжка довзийтаргда
03.10.2023 16:34
ХьатӀадоагӀача пӀаьраска дийнахьа, ГӀалгӀайчен, Янданаькъан Жамалда цӀерагӀча къаман библиотекан дешара зале, къонача йоазанхочун Базорканаькъан Элинай кхоллам безараш гуллургба. Цун книжкаш довзийтаргда укхаза.
«Йоазанхочун кхоллам безалургболаш ба, моллагӀа ха яьннача наха. Базорканаькъан Элинас яздаь «Бархат Фиалки», «Две судьбы Джаннет. Лучик солнца впереди», «Стамбульская прелестница» яха романаш, иштта «Перелистывай» яха наьха дог айдеш байташ тӀайола книжка наха дезаденнарех да», - аьлар «Сердало» газетага республикан керттерча библиотеке. Презентаци дӀахьоча юкъа Базорканаькъан Элинас дувцаргда шийх лаьца, ший кхоллама безамах лаьца, иштта жоп лургда наьха хаттарашта.
