Кхетаче вIашагIъеллаяр «Моттига хьаькъал дар» яхача проекта чуйоагIаш, цига дакъа лоацаш хилар дукха кагирхой, цу юкъе бар архитектуран, дизайна, реинжиниринга колледжа студенташ. Цхьорой Аюп дика вовзаш ва кулгаговзал йола саг санна а иштта басарашца болх бу суртанча, фотохудожник хиларах тарра. Цун хоза сурташ, дахчан яь хIамаш, тамашийна суртий балхаш дукхача гойтамашка хиннад, цу даькъе лаьрххIача ший гойтаме а», - аьлар «Сердало» газетага ГIалгIайчен керттерча библиотеке.

Цхьорой Аюпа говзанч-хьехам хетабаь бар исбахьален сурта, таханарча вахаре цо дакъа лоацаш хилара, цига хиннарашта хайра цу тайпара сурташ дахкара говзал мишта хила еза, сердалонца, композицеца болх мишта бе беза, цу балха юкъедоагIа керттердар фуд, иштта цигара хьаийца говзал лелаяра къайле малагIа я.

«Моттигера хьаькъал дар» яха Россе библиотекашка кхоачашъеш йола проект лаьрхIа я, кагирхой кхоллам дикагIа дегIабоалабара. ГIалгIайчен къаман библиотеке дIахьош йола кхетаченаш, искусство йоаржаяра, республикан начIал долча говзанчий теркам бара лаьрхIа я.