ИнгНИИ керда журнал кхаьчар къаман библиотеке
«Ӏоахарганаькъан Э.Ч. цӀерах йолча Ӏилма-тохкама института хоамий журнал» кхаьчар къаман библиотеке. ГӀалгӀай паччахьалкхен 100 шу дизара хетадаьча журнала тӀа я 30 совгӀа Ӏилманхоша, паччахьалкхен университета болхлоша язъяь лоархӀаме статьяш.
«Ӏилма-тохкама балхашта юкъе да къаман таханарча, селханарча истореца, гӀалгӀай метта хьалаца дувзаденнараш, иштта къаман йоазонхоша даьча балхех яздаьд цу тӀа. «Социологически Ӏилмаш», «Дошлоргаш», «Персоналии», «Рецензеш, хетараш» яхача оагӀоншка язъяьча статьяша дувц къаман исторех, литературах, культурах, иштта кхыдолча цу мугӀарерча хӀамаех», - дийцар «Сердало» газетага къаман библиотеке.
ИнгНИИ Ӏилман балхаш массахана кӀоарга чулоацам болаш, дукха оагӀонаш йовзийташ хул. Къилбаседа Кавказерча, Россе кхыча мехкашкарча Ӏилман моттигашца бувзам лелабеш, Ӏилман-балхах йола кхетаченаш дӀакхухьаш, къахьег институто. ГӀалгӀай къаман Ӏилма доаржадара тӀехьа, доккха дакъа дӀалоац цу балхо.
