«Тха хьаьша кулгал деш ва «Роботий дуне» яхача роботий чоалхах йолча кружока, Шолжа шахьара берий, ондаргий кхоллама Центра чуйоагӀаш я из. Кхетаче из венав, ше Ӏомадеш долча берашца. Бераша шоашца роботаш ений, Лего яхача инстркутора новкъосталца хьаяьй уж. Ноутбука новкъосталца, лаьрххӀача наькъ тӀа, цо а цун дешархоша а хьагойтар мишта лелае еза из чоалх, шоаш оттадаьча декхарах цо болх бергболаш. Цисканаькъан Алисхана дийцар кхетачен доакъашхошта - №2 йолча ишкола пхелагӀча класса дешархошта, цунга болх байта де дезар фуд, иштта цо хьалхадаьккхар из мо йола робот хьаяра малагӀа говзал эш. Говзанча-хьехама доакъашхошта дукха кердадараш дайзар, царех цхьабараш цу кружоке дӀаязбала ловш а бар, шоай кулгашца уж роботаш хьаяр духьа», - аьлар «Сердало» газетага ГӀалгӀайчен къаман библиотеке.