Московски урам тIара гIашлой наькъаш тоадеш латт Наьсаре
Шахьарерча Московски оалача урама хьал тахка вахача мэра Оздой Руслана белгалдир, цигара гIашлой наькъаш воча хьале латтилга. КIоагаш дIадукъаш болх дIахьо аьнна тIадиллар цо цу оагIонцарча болхлошта.
«ТIехьарча шерашка тIатеIIа дIахьош ба наькъаш меттадоаладеш бола болх, хIаьта тахан гIашлой наькъаш теркалде деза вай. Дукха адам лел хIара денна цу урам тIагIолла, лостам бале а, урама хьал ийрчача хьале латт- мукхйиа турбаш, басарашца куц толхадаь остановкаш, лотораш тийхка лохе Iотеха Iоакъа. БоаггIача боараме хьал хиллалца, массахана иштта юха тIаухаргда вай цу деша», - аьлар шахьара дас.
КIотаргаш баьццаръерзаеш, буц дIахьокхаш болх дIахьо аьнна тIадиллар мэра, иштта шахьара куц толхадеш дада реклам еш дола гаташ, улгаш Iодоахаш болх дIахьо аьлар.
Хаоттам хувцабаларах соцабаьбар из болх, бусалба наьха цIайш дIадоаллаше дIахобахьа беза.
