Наьсаре тоаяьча юкъарча моттигашка хьажа арабаьлар единороссаш
Шахьарера моттигаш тоаярах йолча проектага гӏолла, Наьсаре тоабаьча Московски оалача урама хьал теркалде арабаьлар «Парте десанта» доакъашхой. Бохтаранаькъан Ювсап, республикан Парламента депутаташ хила ловш бола таханара кандидаташ Гаьгенаькъан Руслан, Местой Мухьмад, Ӏаьленаькъан Адам, Галай Назир, иштта шахьарерча администраце болхлой бар цу гӏулакха арабаьннараш.
«Урамера болх боаггӏача боараме чакхбаьккхабий хьежар уж. Московски оалача урама моттигаш баьццаръерзаеш, гӏаш леларашта никъ буллаш, лампаш йогӏаш, асфальт буллаш, догӏан хишта лаьрхӏа моттиг къоастаеш къахьийгад цига», - дийцар «Сердалога» «Цаӏ йолча Россе» ИРО.
«Парте десанта» доакъашхоша белгалдир, деррига балхаш боаггӏача боараме, тӏехьагӏа цхьаккха тайпара кхоачамбоацар гучадаргдоацаш дӏадихьа хила дезилга. Из хӏама лорадара лакха терко еш ба тахан.
