Наьсаре 16 саг бехктокхаме эзав
20.09.2024 16:57
Наьсарен административни комиссе 16 саг бехктокхаме эзав бокъонаш телхаярах; царех 13 сага, юкъара дӀалаьрхӀача, 26 эзар сом гӀод текхар. Юхевисача кхаь сага хьехам бир, яхаш, дийцар «Сердало» газетага шахьара администраце зарбан болх лелабераша.
«Комиссе дӀаболабаь болх эшаш ба. Хӏара кӀира, бехктокхамеча секретарага шахьара административни куран тӀара каьхаташ хьадоагӀа. Хӏара каьхатаца хул гойтама материал, шоаш бехктокхаме озарах дӀахо цар хаттараш хургдоацаш. Цул совгӀа, оаха болх бу юридически нахаца», - аьлар административни комиссен кулгалхочо, Наьсарен кулгалхочун гӀончас Мархенаькъан Миланас.
Белгалду, деррига ахча доал деча даькъ тӀарча бюджете дӀахьожадаьд.
