Парке модульни оалаш йола библиотека а хургья, салоӀаш бола нах хохкабалара лаьрхӀа бурчолгаш хургда, дӀачувоалачара наӀараш сердал луш хургья, иштта сердалца лепаш хургья гаьнаш, цул совгӀа, хоамий улгаш хургда, шахьара истори дувцаш дола йоазош тӀадолаш.

Доал деча даькъ тӀарча кулгалхоша шоашта тӀаийцад, доазув баьццара дерзадар, Ӏотеха кхера цӀенбар. Из кхера хувцар, сийленга тӀера куц кердадаккхар, хьачувоаллачара арка тоаяр деча балхашта юкъе дац, хӀана аьлча цӀенхаштта тоадара болх проекта чудоагӀаш бац», - аьлар шахьара администраце.

Белгалдаккха дезаш да, дӀадахача шера Наьсарен кулгалхоша тӀагӀоллара ремонт яьяр парке, бакъда парк юха а архитектура оагӀорахьа кердаяккха езаш я, цудухьа, «Туризм, хьаьша тӀаэцар дегӀадар» яха къаман проект хилар бахьан долаш, из де таро я.