Наьсаре имамаша бахархой тӀахьийхар лостам, цӏено лоаттаяра
08.12.2025 16:26
Шахьара кулгалхочун кхайкаралах, Наьсарен имама Цӏолой Хизара, Наьсар-Кертерча административни куран имама Чомаканаькъан Хьамзата бахархой тӀахьийхар ца йоагӀача моттиге нувхаш Ӏо ца увттаяра; лостам, цӏено лелаяра, коммунальни болхлоша цу даькъ тӀа беш бола болх лорабара.
Шоаш хьехамаш деш, имамаш наха хьалхадаьккхар, цӀено - из бусалба сага ца хилча даргдоацарех цаӀ да.
«Шахьара Ӏаьдало даим къовсам лоаттабу нувхаш Ӏокхувсарца. Оаха ма хулла санитарни хьал тоадеш латт, доазонаш кийчдеш да денгара ди массаза дала, контейнераш ӏоувттаю. Бакъда уж хьалаш лорадарах, иштта бахархой сакхетам хиларах тийша ба толам», - аьлар Наьсарен администраце, республике цӀихезача шин имама кхайкаралах дувцаш.
