Наьсаре тишденна тока саьргаш хувца болабеннаб
15.02.2024 15:56
Наьсарен шахьара Наьсар-Кертерча административни даькъ тӀа къаьнара тока саьргаш хувца болабеннаб, яхаш, хоам бу «Сердало» газетага шахьара администраце.
«Уж тишъенна, ха чакхъяьнна дар, цунца дувзаденна Наьсар-Кертерча администраце даькъ тӀа къаьнардараш дӀа а доахаш, кердача тока саьргашца хувцаш да. ХӀанз укх сахьате, электросетий говзанчаша 500 метрага кхоачаш ЖабагӀанаькъан урам тӀа уж хийцад», - йоах хоамо.
Белгалдаккха деза, цига из гӀулакх дераша сиха а дика а бу из болх.
