Наьсарера Коталон урам тоабеш латт
02.04.2025 21:24
Наьсаре дика дӀахьош ба, Коталон урам тоабеш, «Ветеранашка бода никъ» яхача программах дӀахьош бола болх. Из лоархӀаме болх ба, хӀана аьлча цига вахаш ва республике цаӀ мара воаца Сийлахь-боккхача Даьймехка тӀема ветеран Медаранаькъан Мухьмад.
Урама дӀоахал 1км да. Балхаш дӀахьош, цигарча наькъаш тӀа кердадаьхад сийрдача басара оасашца, иштта белгалонаш оттаяьй Коталон сийна, царех да георгиевски зигаш, кхыдараш. Юххера а, ши метр лакха дола сийлен улг оттадергда.
«Ветеранага бода никъ» яха проект, из цхьа зӀамига дакъа да, вай ветерана Медаранаькъан Мухьмада де йиш йолча гӀулакхех, яхаш, дийцар дӀадахача шера 100 шу даьннача ветеранах лаьца вай мехкадас Келаматанаькъан Махьмуд-Ӏаьлас.
