«Цу наха гулъе оттаяьча хӀамашта юкъе я тахан царна эггара чӀоагӀагӀа эшараш: молхаш, талхаш боаца кхача, чаьтараш, метташ, дӀайха барзкъаш», - йоах тхогарча хоамо. «Палестине Ӏазапе эттача бусалба нахах дог лазаш ба дерригача дунен тӀара бусалбаш. Вай мехкадас хьалхадаьккха, тахан цу мискашта новкъостал де йиш йолаш да вай. Вай мехкахой массахана а хиннаб, кӀалвисачоа гӀо де кийча болаш. Къахетаме волча АллахӀа паргӀатонга кхоачаболба уж нах!» - белгалдир шахьара дас.