Наьсарера урамаш аргӀ-аргӀагӀа сийрдадоахаш латт
06.05.2025 10:55
Бахархой вахара хьал аттачахьа даккхара тӀехьа, керда лампаш йохкаш болх ба Наьсарерча урамашка дӀахьош. Из хоам «Сердалога» бир шахьара мэре.
Шахьара хьал тоадарах йолча программага гӀолла, из болх чакхбаьккхаб Московски, Энгельса оалача урамашка, Машинаш хьаераш бахача моттиге. Иштта хувцамаш даьд Аьлтий-Юртарча Советски, Школьни оалача урамашка.
Сийрдача моттигашка гӀолла паргӀатта лела йиш хиларо гӀадбига ба бахархой. Шахьара кулгалхоша белгалдечох, из болх дикка дӀахохьоргба.
