Ӏаьдала бокъонаш лораеш воаца 30 саг бехктокхаме озаргва
«Шахьара куц тоадар» яхача оагӀонца бехке болча бахархошта духьала лоткъамашоттадеш, хӀара кӀира болх дӀакхухь Аьлтий-Юртарча, ГӀазе-Коарча, Наьсар-Кертерча администрацеша. Из хоам «Сердалога» бир керттерча администрацера.
«Укх деношка дӀайихьача кхетаче дийцар цу мугӀарерча 30 гӀулакхах. Шин моттигага, кхы цу тайпара кхоачамбоацараш ма хилийта аьнна къамаьл дир, хӀана аьлча цу ханале нувхаш дӀакхухьийтаргбола бартчӀоагӀам баьбар цар.
Бакъда 28 сага 2000 сома гӀод техар. Кхетаче баьча соцамах, гӀалатбаьннарашкара хьадоагӀа гӀод 56 000 сом да», - йоах хоамо.
«Административни комиссе из болх дӀакхухь шахьара куц тоадара, лорадара тӀехьа. Цудухьа шахьара санитарни хьал телхадерашта массахана гӀод деттаргда», - белгалдир администраце кулгалхочун гӀонча йолча, административни комиссен кулгал деча Мархенаькъан М.
