Ша тӀа лелар мел кхераме да, хьалхадаьккхар Наьсарерча дешархошта
05.02.2024 10:46
Шахьарерча Ӏам тӀа лелар мел кхераме да, берашта хьалхадоахаш ба администраце болхлой. Из хоам «Сердало» газетага бир администрацерча зарбан болх лелабераша.
«Наьсарерча №1 йолча лицея дешархошка Ӏам тӀарча ша тӀа бувлар цхьаккха тайпара мегаргдоацаш, доккха хатар хилар кхерам болаш хӀама долга дувцаш ба уж. Россерча тайп-тайпарча моттигашка ша тӀа бийнача наха хиннача зуламех, доккхача хатарех дийцар цар берашта. Из деррига белгалдеш дола каьхаташ дӀадийкъар дешархошта», - йоах тхогарча хоамо.
Ӏан хана берашца дӀакхахьа безаш, лоархӀаме болх ба из.
