Наьсаре 200 моттига лаьрхӀа берий беш хьалъеш латт
20.03.2024 15:41
Наьсарен кхалерча Центр-Камазе, «ДегӀадар» яхача паччахьалкхен программанна чуйоагӀаш, 200 моттига лаьрхӀа берий беш хьалъеш латт. Карарча хана 50% кийча я из гӀишло, яхаш, дийцар ГӀалгӀай Республикан гӀишлон Министерствон зарбан болх лелабераша.
«ВӀаштӀара яьча гӀишлон чу, пенаш хьалдеттад, юкъера йовкъаш а дӀаехкай, кхыдола дукха балхаш даь даьннад. Цул совгӀа, гӀишлонхоша кораш дӀаоттадаьд, хий дӀаухаш йола моттигаш тоаяьй», - аьлар баьча балхах дувцаш республикан гӀишлон Министерстве.
Берий беша эшаш мел дола хьалаш хургда. ЛерттӀа физически дегӀааха таро хургья зӀамигача берий.
