Наьсаре лоархӀаме машиний никъ буллаш латт
02.12.2025 11:22
Наьсаре, наха юкъе «Каналал дехьа» оалаш йолча моттиге, шахьара низаца лоархӀаме машина никъ биллара болх дӀаболабаьб, из хургба 250 метр бӀаьха.
Доал дара даькъ тӀара зарбан болх лелабераша яхачох, керда никъ Ӏобилла лаьрхӀад Коталон 70 шу, Темарханаькъан урамаш вӀашагӀтохаш, иштта вахаре лоархӀаме йолча моттигашта тӀаваха аьттув хулийташ; царна юкъе я берий, боккхийчар поликлиникаш, ишкола, иштта кхыча наькъий хьал аттача доаккхаргда.
«Карарча шера из никъ жагӀа билла тоабергба. Хӏаьта хьатӀадоагӀача шера асфальт булларгба, шахьара урам тоабеш. Цудухьа из никъ Ӏобиллар чӀоагӀа лоархӀаме да ала йиш я», - аьлар Наьсарен администраце.
