ГӀалгӀай къаман
юкъара газет

Кердадараш

Наьсаре дIахьош ба, 720 моттига лаьрхIа ишкола хьалъяра болх

ГIалгIайчен Наьсаре тIатеIIа дIахьош ба; йоккха, керда ишкол хьалъяра болх. Из лаьрхIа я 720 моттига, яхаш, дийцар «Сердало» газетага республикан гIишлошъяра боахаме.

«Карарча хана говзанчаш а болхлой а керттера балхаш деш ба: лардаш чуйотташ, плиташ тIайоахкаш, ишкола подвала дакъа йистедоаккхаш, хьалхарча, шоллагIча, кхоалагIча гIатий гом вIашагIболлаш», - аьлар ГIалгIай Республикан гIишлошъераша хьабайтача хоамо.

Белгалду, чура пенаш хьалдетта йистедала доахк, иштта юкъера юкъ йоллара балхаш а доалаш латт, арахьа йотташ йолча кирпишка пенаш а доалаш латт. Цул совгIа, электротехнически оалаш дола балхаш дIадоладаьд, уйнаш вIашкаозаш, хий, начIаcа турбаш чуяхкара балхаш деш латт, пенаш хьоахаш, кораш дIаоттадеш, балконаш чIоагIъеш, тхов туллаш болх беш ба. Хьалъеш я таханарча заман дешара моттиг Чеченски урам тIа. Из проект кхоачашъяра Iаьдало деннад 640 миллион сом.

Уж балхаш карарча шера йистедаргда, аргIанара дешара моттиг хургья вай дешархошта лакха кхетам луш, цунца цхьана Наьсарен эзараш дешархой а хьехархой а гIадбугаш.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде